Kif tapplika għad-dokument S1
Id-dokument S1 jinħareġ lil individwi li jgħixu f'pajjiż wieħed taż-Żona Ekonomika Ewropea (ŻEE) filwaqt li l-benefiċċji tal-kura tas-saħħa tagħhom huma koperti minn pajjiż ieħor taż-ŻEE.
L-iskema S1 tintuża minn pensjonanti u ħaddiema li jgħixu fi Stat Membru differenti mill-pajjiż responsabbli għall-kopertura tal-kura tas-saħħa tagħhom.
Aqra din l-informazzjoni biex tikseb dan is-servizz:
Deskrizzjoni
L-iskop tal-iskema S1 huwa li tagħti aċċess għas-servizzi pubbliċi tal-kura tas-saħħa lil persuni li jgħixu f'pajjiż taż-ŻEE għajr l-Istat Membru kompetenti tagħhom.
Persuni rreġistrati taħt l-iskema S1 huma intitolati għal servizzi tal-kura tas-saħħa fil-pajjiż fejn jgħixu, filwaqt li l-ispejjeż tal-kura tas-saħħa jibqgħu koperti mill-pajjiż kompetenti taż-ŻEE responsabbli għall-benefiċċji tal-kura tas-saħħa tagħhom.
Għal xiex tintitolak l-S1?
Id-dokument S1 jagħti d-dritt lil persuni eliġibbli li jaċċessaw servizzi pubbliċi tal-kura tas-saħħa fil-pajjiż fejn jgħixu, skont ir-regolamenti tal-kura tas-saħħa ta’ dak l-Istat Membru.
L-ispejjeż tal-kura huma koperti mill-pajjiż kompetenti taż-ŻEE responsabbli għall-intitolament għal kura tal-applikant
Min huwa eliġibbli għas-Servizz?
L-iskema S1 tapplika għal:
- Pensjonanti li jgħixu f'pajjiż wieħed taż-ŻEE waqt li jirċievu kura tas-saħħa minn pajjiż ieħor taż-ŻEE
- Ħaddiema li jgħixu f'pajjiż wieħed taż-ŻEE waqt li jkunu assigurati f'pajjiż ieħor taż-ŻEE
Kif tapplika għad-dokument S1
Biex japplika għad-dokument S1, l-applikant għandu jibgħat kopja tad-dokument A1 lill-Entitlement Unit permezz ta' email.
Email: [email protected]
Tiġdid tad-dokument S1
Id-dokument S1 jibqa' validu skont id-dati speċifikati fuq id-dokument A1.
Biex iġeddu d-dokument S1, l-applikanti jridu:
- Japplikaw mill-ġdid għal dokument A1 ġdid
- Jibgħatu id-dokument A1 li jkun għadu kif inħareġ lill-Entitlement Unit fuq [email protected]
X'inhuma l-obbligi tal-Applikanti?
L-applikanti huma rikjesti biex:
- Jipprovdu informazzjoni korretta
- Jibgħatu d-dokumentazzjoni kollha rikjesta mill-Entitlement Unit
- Jiżguraw li l-applikazzjonijiet tagħhom huma kompluti
Applikazzjonijiet li mhumiex kompluti jew li ma jkollhomx id-dokumentazzjoni kollha ma jiġux pproċessati.
L-Entitlement Unit għandu jkun infurmat jekk id-detentur ta' dokument S1:
- Imut
X'se jipprovdi l-Entitlement Unit lura?
L-Entitlement Unit se jipproċessa d-dokument S1 fl-istess jum li tirċievi l-applikazzjoni u d-dokumentazzjoni kollha meħtieġa, inkluż id-dokument A1.
Ladarba tkun irreġistrat, id-dokument S1 jintbagħat permess tal-EESSI lill-istituzzjoni fl-Istat Membru fejn il-persuna se tirrisjedi.