Jekk, waqt żjara temporanja fi Stat Membru ieħor tal-UE, kellek xi spejjeż għal xi trattament mediku ta’ emerġenza, tista’ tkun intitolat/a sabiex titħallas lura ta’ dawn.

Biex tkun taf intix intitolat/a, jekk jogħġbok issottometti t-talba tiegħek lill-Entitlement Unit sabiex dan ikun jista’ jikkomunika mal-awtoritajiet tal-pajjiż fejn intefqu l-ispejjeż. B’hekk ikun jista’ jiġi stabbilit jekk intix intitolat/a titħallas lura u l-ammont li jrid jitħallas lura sabiex ikun assigurat li int tkun trattat/a bl-istess mod bħaċ-ċittadini ta’ dak l-Istat Membru partikolari tal-UE/ŻEE.

Int ġentilment mitlub/a tibgħatilna l-formola tat-talba mimlija flimkien mal-kont u l-irċevuti oriġinali għall-ispejjeż li tkun infaqt. It-talba tiegħek ma tkunx tista’ tiġi pproċessata qabel ikollna id-dokumenti meħtieġa.

Niżżel il-formola billi tikklikkja hawn

Il-formola mimlija flimkien mal-evidenza għandha tintbagħat lil:

Entitlement Unit
Is-sular t’isfel,
Ex-Outpatient Block,
Sptar San Luqa,
It-Telgħa ta’ Gwardamangia,
G’Mangia PTA 1010
Malta
Tel: +356 2595 2400
e-mail: [email protected]
website: http://www.ehic.gov.mt

Ħinijiet tal-ftuħ:
Sajf u Xitwa
Mit-Tnejn sal-Ġimgħa
8.00 – 13.00